Túrkistanda 74 jastaǵy áıel lıft shahtasyna qulap, mert boldy
12:01, 14 Tamyz 2023
TÚRKІSTAN. QazAqparat - Túrkistanda 74 jastaǵy áıel lıft shahtasyna qulap ketip, kóz jumdy, dep habarlaıdy QazAqparat tilshisi.
Málim bolǵandaı, oqıǵa jańa qala aýmaǵynda salynǵan úılerdiń birinde bolǵan. Jóndeý jumystaryna baılanysty lıftiniń kabınkasy besinshi qabatqa toqtatylǵan. Al birinshi qabattaǵy lıftiniń esigin ashqan 74 jastaǵy turǵyn tómenge qulap ketken.
«Jóndeý jumystaryna baılanysty esikterdiń barlyǵy jabylǵan bolatyn. Al zardap shegýshiniń esikti qalaı ashyp alǵany tekserilip jatyr», - dedi Túrkistan qalalyq turǵyn úı ınspektsııasy bóliminiń basshysy Talǵat Úsenbaev.