Túrkistanda 700-ge jýyq otbasy baspanaly boldy

TÚRKІSTAN. QazAqparat – Búgin QR Konstıtýtsııa kúnine oraı Túrkistanda 700-ge tarta otbasy baspanaly boldy. Oblys ákimi Ómirzaq Shókeev jańa páter ıeleriniń qýanyshymen bólisip, merekemen quttyqtady, dep habarlaıdy QazAqparat tilshisi.

Saltanatty sharada aımaq basshysy túrkistandyq otbasylarǵa páter kiltin tabystady.

Aıta keteıik, «Otyrar» yqsham aýdanynda salynǵan kópqabatty turǵyn úı «Nurly jer» baǵdarlamasy aıasynda paıdalanýǵa berilip otyr. Jańa baspana ıeleri 5 qabatty 11 turǵyn úıge qonystandy. Bir bólmeli 165 páter, eki bólmeli 165 páter jáne 3 bólmeli 330 páter turǵyndarǵa tapsyrylyp, 660 otbasy jańa baspanaǵa kiretin boldy. Páter ıeleri atanǵandar – kezekte turǵan halyqtyń áleýmettik az qamtylǵan jáne turǵyn úıge muqtaj sanatyna jatatyn azamattar. Qoldanysqa berilgen bul kóp qabatty turǵyn úıdiń ınfraqurylymdary tolyqtaı retke keltirilgen. Páterler talapqa saı jasaqtalyp, árlengen. Atalǵan shara sońynda jınalǵan kópshilik nazaryna kontserttik baǵdarlama usynyldy.

Jergilikti bılik ókilderi jyl sońyna deıin taǵy da qala turǵyndaryna 5 qabatty 9 turǵyn úı tapsyrylady dep josparlap otyr.