Túrkistanda 6 myńǵa jýyq páter paıdalanýǵa berildi

TÚRKІSTAN. QazAqparat - Ótken jyly Túrkistan oblysynda «Nurly jer» baǵdarlamasy aıasynda turǵyn úıdi paıdalanýǵa tapsyrý jospary 550,6 myń sharshy metr bolyp belgilense, jyl qorytyndysymen 620,4 myń sharshy metr turǵyn úı, ıaǵnı 5846 páter el ıgiligine berildi, dep habarlaıdy QazAqparat Óńirlik kommýnıkatsııalar qyzmetine silteme jasap.

Atalǵan 5846 páterdiń 176-sy qyzmettik turǵyn úı, 2432-i arendalyq, 2737-si - jeke turǵyn úıge, 501-i jeke salýshylarǵa tıesili. Nátıjesinde jyl basynda mejelengen jospar 129%-dan artyq oryndalǵan.
Budan bólek, bıyl Túrkistan oblysynda satyp alý quqyǵynsyz arendalyq turǵyn úı qoryn qurý boıynsha memlekettik bıýdjet esebinen 64 turǵyn úıdiń qurylysy júrgizilýde, jyl sońyna deıin olardyń 44-i paıdalanýǵa beriledi.
Sonymen qatar, byltyrdan beri oblysta memlekettik bıýdjet qarajaty esebinen jalpy somasy 5,6 mlrd teńge bolatyn 7 qabatty 48, 72 jáne 84 páterli 24 oblıgatsııalyq turǵyn úıdiń qurylysy jalǵasýda.

Sondaı-aq, ÁKK «Túrkistan» áleýmettik kásipkerlik korporatsııasy arqyly 47 turǵyn úıdiń (jalpy aýdany 112,6 myń sh.m, 1701 páter) qurylysy júrgizilýde.
Munan bólek, jeke salýshylar arqyly 5,9,12 qabatty 3286 páterlik 65 turǵyn úıdiń qurylysy jalǵasýda.