Túrkistanda 500-den astam zań ókilderi halyqaralyq jıynda bas qosty

ShYMKENT. QazAqparat – Túrkistan qalasynda «Sotqa deıingi is júrgizý: shyndyǵy jáne jetildirý joldary» taqyrybynda Halyqaralyq ǵylymı-praktıkalyq konferentsııa bastaldy, dep habarlaıdy QazAqparat tilshisi.

500-den astam zań ókilderi qatysqan basqosý sotqa deıingi is júrgizýdegi jáne quqyq qoldanýdaǵy ózekti máselelerdi jan-jaqty talqylaý men halyqaralyq tájirıbelerdi zertteý, sondaı-aq biryńǵaı protsessýaldyq bastamalardy júzege asyrý men tıimdi tásilderdi ázirleý maqsatynda uıymdastyryldy,

QR Sybaılas jemqorlyqqa qarsy is-qımyl agenttiginiń Túrkistan oblysy boıynsha

departamenti bastamasymen jáne Túrkistan oblysy ákimdiginiń uıtqy bolýymen ótkizilgen sharaǵa qatysýshylar qylmystyq is boıynsha aldyn ala tergeý júrgizýdiń tártibi týraly oramdy oılaryn ortaǵa saldy.

QR Sybaılas jemqorlyqqa qarsy is-qımyl agenttigi tóraǵasynyń orynbasary N.Shabdar men Túrkistan oblysy ákiminiń orynbasary S.Qalqamanov qatysqan halyqaralyq jıynda Túrkııa, Reseı, Ózbekstan elderinen kelgen ýákiletti organdar men elimizdegi Joǵary sottyń, Bas prokýratýra men Іshki ister mınıstrliginiń ókilderi zań aıasynda dıalogtyq alań quryp, úzdik tájirıbelerimen bólisti. Halyqaralyq konferentsııa barysynda Departamenttiń bastamasymen túsirilgen «1424» fılmi kópshilik nazaryna usynyldy. Sondaı-aq, sybaılas jemqorlyqqa qarsy mádenıetti qalyptastyrý baǵytynda jas sýretshiler arasynda ótken saıys qorytyndysy boıynsha jeńimpaz anyqtaldy.