Túrkistanda 50-den astam laýazymdy azamat jaýapqa tartyldy

TÚRKІSTAN. QazAqparat - Túrkistan oblysynyń prokýratýrasy múddeli organdardyń qatysýymen ótken alqa otyrysynda memlekettik satyp alý týraly zańnamanyń saqtalýyna júrgizilgen taldaý nátıjelerin qarady, dep habarlaıdy QazAqparat.

Bas prokýratýranyń málimetinshe, taldaýmen jekelegen tapsyrys berýshilerdiń qyzmetinde zańdylyqty buzýshylyqtarǵa jol berilgendi jáne ýákiletti organ jumysynyń passıvtiligi anyqtalǵan.

Mysaly, Ordabasy, Tólebı jáne Túlkibas aýdandarynyń turǵyn úı-kommýnaldyq sharýashylyq bólimderi 2 mlrd teńgeden astam somaǵa memlekettik satyp alý sharttaryn básekelestik emes tásilmen zańsyz túzgen (bir kózden zańsyz ótkizgen).

Prokýrorlardyń aktileri boıynsha 100-den astam zań buzýshylyq joıyldy, 7 mlrd. teńgeden astam zańsyz memlekettik satyp alýdyń kúshi joıyldy (satyp alý tásilderin durys qoldanbaǵan, qatysýshylarǵa artyq talaptar qoıǵan).

Al prokýrorlardyń sharalarymen túrli jaýaptylyqqa 50-den astam laýazymdy tulǵa tartylyp, memlekettik bıýdjetke 15 mln. teńgeden astam qarajat óndirildi.

Alqa otyrysynyń qorytyndysy boıynsha memlekettik organdarǵa osy baǵyttaǵy jumysty kúsheıtý jáne tapsyrys berýshilerge zańnamanyń talaptaryn qatań saqtaý tapsyryldy.