Túrkistanda 2 áıeldi kólikpen qaǵyp qashyp ketken júrgizýshi ustaldy
11:58, 09 Jeltoqsan 2022
TÚRKІSTAN. QazAqparat - Túrkistanda júrgizýshi jaıaý júrginshiler jolynan 2 áıeldi qaǵyp, oqıǵa ornynan qashyp ketken, dep habarlaıdy Polisia.kz.
Polıtsııanyń málimetinshe, jol apatynan zardap shekken 2 adam túrli dene jaraqatymen aýrýhanaǵa jetkizilgen. Olardyń jaǵdaılary ortasha dep baǵalanýda.
Oqıǵa ornyn qaraý barysynda belgisiz avtokóliktiń aına synyqtary, taǵy basqa da dáleldemeler alynyp, sonyń nátıjesinde adam qaqqan kólik ıesi anyqtaldy. Kóligi aıypturaqqa qoıyldy.
Tergep-tekserý amaldary júrgizilip jatyr.