Túrkistan jáne Jambyl oblystaryn jalǵaıtyn jol jabyldy
16:11, 16 Aqpan 2023
ASTANA. QazAqparat - Túrkistan jáne Jambyl oblystaryn jalǵaıtyn «Almaty-Tashkent-Termez» respýblıkalyq jolynyń ýchaskesi jabyldy, dep habarlaıdy QazAqparat.
«QazAvtoJol» ulttyq kompanııasy taratqan málimetke sensek, «Almaty-Tashkent-Termez» tasjolynyń Aısha bıbi aýylynan Túrkistan oblysynyń shekarasyna deıingi aralyǵynda jáne Jambyl oblysynyń shekarasynan Mashat aýylyna deıingi aralyǵynda qozǵalysqa shekteý engizilgen. Munda kóliktiń barlyq túrine júrýge ruqsat joq.
Bul jol bólikteri Jambyl jáne Túrkistan óńirlerinde ornalasqan.
Joldy jabýǵa aýa raıynyń nasharlaýy sebep bolyp otyr.
Respýblıkalyq tasjoldardy kútip ustaý jumysyna 540 arnaıy tehnıka men 1050 qyzmetker jumyldyryldy.