Túrkistan, Jambyl jáne Mańǵystaýda 18-ge tolmaı sábıli bolǵan qyzdardyń sany bárinen kóp

ASTANA. QazAqparat - Jasóspirimder arasynda túsik jasaý azaıdy, dep habarlaıdy QazAqparat Ulttyq statıstıka bıýrosyna silteme jasap.

2018 jyly 15 jasqa deıingi túsik jasatqan jasóspirimder sany 27 bolsa, 2021 jyly bul kórsetkish 15-ke deıin tómendedi.

15 jastan 18 jasqa deıingi jasóspirimder arasyndaǵy túsik sany shamaly kemip otyr, 2020 jyly 1122 jaǵdaı bolsa, 2021 jyly – 1094.

Sonymen qatar jasóspirim qyzdardyń týý kórsetkishi jyldan jylǵa tómendep keledi.

2021 jyly 15 pen 18 jas aralyǵyndaǵy qyzdar arasynda bul kórsetkish 1000 qyzǵa shaqqanda 23,8 jaǵdaıdy quraǵan, 2015 jylmen salystyrǵanda bul 7,2 jaǵdaıǵa az.

Óńirler bólinisinde eń joǵary týý kórsetkishi Túrkistan (36,3), Mańǵystaý (36,2) jáne Jambyl (34,3) oblystarynda baıqalady.

Jasóspirimder arasynda eń tómengi týý kórsetkishi Almaty (11,5) men Astana (12,8) qalalarynda.