«Túrkistan - Túrki áleminiń mádenı astanasy» aıasynda ótkiziletin is-sharalar jospary bekitildi

ShYMKENT. QazAqparat - Ońtústik Qazaqstan oblysy ákimdiginde óńir basshysy Janseıit Túımebaev, TÚRKSOI uıymynyń Bas hatshysy Dúısen Qaseıinov jáne Qazaqstan Respýblıkasy Mádenıet jáne sport vıtse mınıstri Aqtoty Raıymkulovanyń «Túrkistan - Túrki áleminiń mádenı astanasy» aıasynda ótkiziletin  is-sharalar josparyna úsh jaqty qol qoıý rásimi ótti, dep habarlaıdy «QazAqparat» HAA tilshisi.

   Ázerbaıjannyń Shekı qalasynda 2016 jyldyń 1 jeltoqsanynda TÚRKSOI Turaqty Keńesiniń 34-shi otyrysy ótip, Túrkistan qalasyn Túrki áleminiń 2017 jylǵy mádenı astanasy etip bekitý týraly sheshim qabyldanǵan bolatyn.  Osyǵan oraı, búgin ońtústiktiń zııaly qaýymy men óner maıtalmandary, bılik ókilderi jınalyp daıyndyq jumystaryn pysyqtap, is-sharalar josparyn bekitti.

 

«Túrkistan qalasyn atyna zaty saı etip laıyq túrde kóterý, tanytý - barlyǵymyzdyń mindetimiz. Sondyqtan da halyqaralyq TÚRKSOI uıymynyń, oǵan múshe elderdiń Túrkistan - Túrki dúnıesiniń rýhanı astanasy degen sheshim shyǵarýy bizdiń tek Túrkistan qalasy emes búkil Saıram, Otyrar, Arystanbab jalpy bizge, Ońtústik Qazaqstan oblysy úshin saıası bedeli bar», - J. Túımebaev.

 Aıta keteıik, naýryz aıynan bastap Túrkistan qalasynda  atalǵan sharanyń saltanatty ashylýy men TÚRKSOI Baspasóz syılyǵyn tapsyrý rásimi ótedi.  Ulystyń uly kúni  - Naýryz toıy merekelenip, túrkitildes ulttar arasyndaǵy baýyrlastyq baılanystar men dostyqty, túrkilik mádenıet pen ónerdi urpaqtan urpaqqa jetkizip, ony álemge tanytý maqsatynda  túrli is-sharalar uıymdastyrylady. Túbi túrki tildes halyqtar teatr, opera, tsırk, bı, satıra, dástúrli óner jáne anımatsııalyq fılmderdiń festıvali ótkiziledi.  Aqyndar aıtysy, túrki memleketteri áıelderiniń forýmy, sýretshilerdiń kezdesýi, qolóner sheberleriniń festıvali, ádebı jýrnaldar redaktorlarynyń kongresi, aqyn, jazýshylarmen kezdesýler ótkizilip, kitap kórmelerin uıymdastyrý josparlanyp otyr.

 

Aınur Aqbaeva