Túrkistan temirjol vokzalyn abattandyrý jumystary bastaldy

TÚRKІSTAN. QazAqparat - Túrkistan qalasyndaǵy temirjol vokzaly aldyndaǵy alleıany abattandyrý jumystary bastalyp ketti, dep habarlaıdy QazAqparat Óńirlik kommýnıkatsııalar qyzmetine silteme jasap.

Abattandyrý jumystarynyń barysynda aıaqjol tóseý, jaryq kózderin jáne oryndyqtar men qoqys jáshigin ornatý, kishi arhıtektýralyq pishinder qoıý josparlanýda. Sonymen qatar, sý uńǵymasy qazylyp, dekoratıvti aǵash kóshetteri otyrǵyzylyp, shym tóseletin bolady.

Aldaǵy ýaqytta, temirjol vokzalynyń ishki júıesi de zamanaýı talapqa sáıkestendiriledi. Qalaǵa kelgen týrıster úshin aqparat alý beketi (resepshn) syndy júıeler qoıylady dep kútilýde.
Aıta keteıik, kúrdeli jóndeýden ótken alleıa Naýryz merekesi qarsańynda paıdalanýǵa beriledi dep josparlanyp otyr.