«Túrkistan –Tashkent» jańa halyqaralyq reısi ashylady

NUR-SULTAN. QazAqparat - Ózbekstan Respýblıkasy Premer-Mınıstri Abdýlla Arıpovtyń Qazaqstanǵa sapary aıasynda QR Indýstrııa jáne ınfraqurylymdyq damý mınıstri Beıbit Atamqulov Ózbekstan Respýblıkasynyń Kólik mınıstri Ilhom Mahkamovpen kezdesti, dep habarlaıdy QazAqparat.

«Kezdesý barysynda 2021 jylǵy 21 maýsymnan bastap Qazaqstannyń Fly Arystan áýe kompanııasynyń «Túrkistan-Tashkent» baǵytynda aptasyna 2 reıspen (aptanyń 1 jáne 4 kúni) ushatyny kelisildi», - delingen QR Indýstrııa mınıstrligi málimetinde.

Reıster eki eldiń sanıtarlyq-epıdemıologııalyq sharalaryn qatań saqtaı otyryp oryndalady. Epıdemıologııalyq jaǵdaıdyń jaqsarýyna qaraı túrki áleminiń mádenı astanasy – Túrkistannan ushatyn reıster sanyn odan ári arttyrý josparlanyp otyr.

Aıta keteıik, elimizdiń barlyq oblys ortalyǵynan Túrkistanǵa tikeleı áýe reısi ashylady.