«Túrkistan-Shymkent-Tashkent» temir joly qashan salynady

NUR-SULTAN. QazAqparat – QR Indýstrııa jáne ınfraqurylymdyq damý mınıstri Beıbit Atamqulov elimizde qandaı temir joldar salynatyndyǵyn aıtty, dep habarlaıdy QazAqparat tilshisi.

Mınıstrdiń atap ótýinshe, elimizde temir jol kóligi ınfraqurylymyn damytýǵa erekshe nazar aýdarylatyn bolady.

«Túrkistan – Shymkent – Tashkent ýchaskesinde joǵary jyldamdyqty temirjol jelilerin salý jáne Dostyq - Moıynty tranzıttik ýchaskesin jańǵyrtý jónindegi jobalardy iske asyra bastaý josparlanǵan. Budan basqa, bolashaqta «Almaty aınalma stansasynyń qurylysy» jáne «Darbaza – Maqtaaral» temirjol jelisi jobalaryn iske asyrý kózdelgen», - dedi Beıbit Atamqulov halyqqa esep berý kezdesýinde.