«Túrkistan–Shymkent–Tashkent» avtomagıstralyn salý óńirdiń týrıstik tartymdylyǵyn arttyrady
Onyń atap ótýinshe, «Qýatty óńirler – el damýynyń draıveri» ulttyq jobasynyń «Kóliktik baılanysty qamtamasyz etý» baǵyty aıasynda ishki kólik jelisin damytý jáne aýmaqtardyń baılanysyn arttyrý kózdeledi. 11 myń shaqyrym respýblıkalyq mańyzy bar jáne 27 myń shaqyrym jergilikti jol salynyp, jóndeledi. Bul jaqsy jáne qanaǵattanarlyq jaǵdaıdaǵy respýblıkalyq mańyzy bar joldyń úlesin 100 paıyzǵa deıin jáne jergilikti mańyzy bar avtojoldyń úlesin 95 paıyzǵa deıin jetkizýge múmkindik beredi. Sonymen qatar aýmaqtardyń baılanystylyǵyn arttyrý úshin birqatar iri joba da iske asyrylady.
«Atap aıtqanda, ekinshi jol qurylysyn salý men «Dostyq–Moıynty» ýchaskesin elektrlendirý Qytaı-Eýropa-Qytaı jolynyń ótkizý qabiletin arttyrýǵa múmkindik beredi. «Darbaza–Maqtaaral» temirjol jelisin salý Saryaǵash stansasynyń ótkizý qabiletin 2 esege arttyrady. «Túrkistan–Shymkent–Tashkent» joǵary jyldamdyqty magıstralyn salý barlyq óńirdiń týrıstik jáne ınvestıtsııalyq tartymdylyǵyn edáýir arttyrmaq. Almaty stansasyn aınalyp ótetin temirjol jelisin salý jobasy júk artý merzimin 2 táýlikke qysqartýǵa múmkindik beredi. Aýmaqtardyń baılanysyn arttyrý sharalaryn iske asyrý tranzıt kólemin 30 mln. tonnaǵa onyń ishinde konteınerlerdi 1,6 mln tonnaǵa ulǵaıtýdy qamtamasyz etedi», - dedi Áset Erǵalıev.