Túrkistan: Saýranda 900 oryndyq zamanaýı mektep boı kóterip jatyr
Eń aldymen Qarashyq eldi mekenindegi jeke kásipker Habıbýlla Azımovtyń bastamasymen boı kóterip jatqan 900 oryndyq zamanaýı ıAsaýı ıntelektýaldy mektebiniń qurylys jumystaryn baqylady. Jeke kásipkerdiń aıtýynsha, qurylys jumystary jańa oqý jylyna deıin tolyq aıaqtalyp, paıdalanýǵa berilmek. Mektepte úsh sport zal, basseın jáne jataqhana qarastyrylǵan.
Budan soń aýdan ákimi Qarashyq eldi mekeniniń joǵarǵy jaǵynan túsetin sý qoımasyna bardy. Qosqorǵan sý qoımasynan keletin aǵyn sý jaz aıynda qurǵap qalatyndyqtan Qarashyq aýylynyń dıhandary jyl saıyn qıyndyq kórip otyr. Osyǵan baılanysty aýyldyq okrýg ákimine aǵyn sý máselesin retteý boıynsha tıisti jumystardy júrgizýdi tapsyrdy.
Kelesi kezekte nysandy aralaý úshin ákim Qarashyq aýylyndaǵy jeke kásipker Ýsan Ýmarovtardyń otbasylyq kásibi - gúl ósiretin jylyjaı jumysymen tynysty. Kásipkerdiń gúlderin búginde alys-jaqyn oblystardan kelip úılerine, memlekettik ǵımarattarǵa satyp alýshylardyń qarasy kóp. Mundaǵy jylyjaıda otbasy baqyty gúline kópshilik tarapynan suranys artqan. Kásipker aldaǵy ýaqytta jylyjaı aýmaǵyn ulǵaıtyp, kásibin dóńgeletýdi kózdep otyr.