Túrkistan: Saryaǵashta shaǵyn sý elektr stantsııalarynyń sany artady

TÚRKІSTAN. QazAqparat - Aýdannyń eldimekenderin sapaly elektrmen qamtamasyz etý baǵytynda jumystar qarqyndy jalǵasyp jatyr, dep habarlaıdy QazAqparat.

Búgingi tańda, energııa kózderi boıynsha qosymsha sý elektr stantsııasy paıdalanýda, sondaı-aq qosymsha taǵy da bir shaǵyn sý elektr stantsııasyn salý josparlanǵan.

Bul rette, aýdan ákimi Arman Abdýllaev aýdandaǵy elektr energııalardy óndirý salasyn damytyp kele jatqan «Kelesgıdrostroı» JShS-niń jumysymen tanysý maqsatynda Jartytóbe aýyldyq okrýgi, Qurama eldimekeni aýmaǵyndaǵy, Keles ózeniniń boıynda ornalasqan 4,5 MVt elektr qýatyn óndiretin «Darhan» shaǵyn sý elektr stantsııasyna bardy.

Atalǵan sý elektr stantsııasynyń qurylys jumystary 2017 jyly bastalyp, 2019 jyly paıdalanýǵa berilgen.

Qazirgi tańda, 10 adam turaqty jumyspen qamtylyp, Jartytóbe jáne Qurkeles aýyldyq okrýginde 2000 abonentti elektr qýatyn qamtamasyz etip otyr.

Sonymen qatar, aýdan basshysy «Kelesgırostroı» JShS-niń Qablanbek aýyldyq okrýgi, Tashqulaq eldimekeninde josparlanǵan sý elektr stantsııasynyń jerimen tanysty.