Túrkistan óńirin Ózbekstanmen baılanystyratyn tas jol jóndelýde

TÚRKІSTAN. QazAqparat - Túrkistan oblysynda respýblıkalyq mańyzy bar A-15 «Jyzaq - Gagarın - Jetisaı - Qyzylásker - Saryaǵash - Jibek joly» kúre joly jóndelýde, dep habarlaıdy QazAqparat.

«QazAvtoJol» ulttyq kompanııasynyń málimetinshe, trassanyń jalpy uzyndyǵy 146 shaqyrymdy quraıdy. Kúre jol boıynda 30-ǵa jýyq eldimeken ornalasqan. Oblys boıynsha kólik qarqyny joǵary joldardyń qataryna jatady. Táýligine 15 myńǵa jýyq kólik júredi.

«Bıylǵy jol qurylysy maýsymy aıasynda jolshylar uzyndyǵy shamamen 50 shaqyrymdy quraıtyn nashar kúıdegi úsh ýchaskeni jóndeýde.

Jóndeý jumystary Ózbekstan shekarasynan Jetisaı qalasyna deıingi, Enkes eldimekeninen Jibek joly eldimekenine deıingi jáne Qyzylásker aýylynan Júzimdik aýylyna deıingi jol aralyqtarynda júrgizilýde», - dep jazdy vedomstvodan.

Jóndeý jumysy táýlik boıy eki aýysymda jalǵasyp jatyr. 70 maman men 45 arnaıy tehnıka jumyldyryldy.