Túrkistan oblysynyń turǵynynan qarý men 60-tan astam oq-dári tárkilendi
Kúdiktiden «TOZ» markaly qarý, túrli kalıbrli 60-tan astam oq-dári jáne qoldan jasalǵan eki pyshaq tárkilendi. Atalǵan jaıtty polıtseıler QR QK-niń 287-baby «Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý» boıynsha tirkedi. Qazirgi tańda sotqa deıingi tergeý amaldary júrgizilýde. Al, tárkilengen zattar saraptamaǵa jiberildi.
«Túrkistan oblysy polıtsııa departamentiniń ekstremızmge qarsy is-qımyl basqarmasynyń qyzmetkerleri Kentaý qalasynyń aýmaǵynda atys qarýy men oq-dárilerdi zańsyz saqtaýdyń kezekti deregin anyqtady. Oqıǵanyń tolyq mán-jaıy anyqtalýda»-delingen Túrkistan oblysy polıtsııa departamentiniń baspasóz qyzmeti taratqan habarlamada.
Foto: polisia.kz