Túrkistan oblysynyń turǵynynan 16 kalıbrli sholaq myltyq tárkilendi

TÚRKІSTAN. QazAqparat – Túrkistan oblysynyń turǵynynan 16 kalıbrli sholaq myltyq tárkilendi, dep habarlaıdy QazAqparat oblystyq PD baspasóz qyzmetine silteme jasap.

Túrkistan oblysy PD Uıymdasqan qylmysqa qarsy kúres basqarmasynyń qyzmetkerleri jedel izdestirý is-sharalary kezinde, úıinde atys qarýy men oq-dárilerdi zańsyz saqtaǵan Kentaý qalasynyń turǵynyn anyqtady. Jedel kúdiktiniń sharýa qojalyǵynan 16 kalıbrli sholaq myltyq pen oq tárkiledi. Alynǵan zattaı dáleldemeler saraptamaǵa jiberildi.

Polıtseıler bul jaıtty QR QK 287-baby «Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý» boıynsha tirkedi. Sotqa deıingi tergeý amaldary júrgizilip jatyr.

Foto: Túrkistan oblysynyń PD baspasóz qyzmeti