Túrkistan oblysynyń turǵyndaryna qujat aýystyrý qajet pe
QR Ádilet mınıstri Marat Beketaevtyń aıtýynsha, oblys turǵyndaryna qujat aýystyrýdyń qajeti joq. "Barlyq jeke kýálikter men tólqujattar zańdy kúshin saqtaı beredi jáne merzimi aıaqtalǵanda ǵana aýystyrylady. Sosyn adam belgili bir jasqa kelgende jańa kýálik beriledi. Budan bólek, tólqujattyń barlyq paraqshalary tolyp qalǵanda aýystyrylady", - dedi M.Beketaev Astanada ótken baspasóz máslıxatynda.
Mınıstrdiń aıtýynsha, oblys ortalyǵyn Túrkistanǵa aýystyrýǵa baılanysty qosymsha shyǵyndar bolmaıdy. Sebebi daıyndyq jumystary aldyn ala atqaryldy. "Biz atalǵan terrıtorıaldyq ózgeristerge daıynbyz. Daıyndyq jumystaryn da aldyn ala bastadyq. Óıtkeni kez kelgen jarlyqtardyń jobalary kelisý úshin bizge de jiberiledi. Biz ony kórdik. Sol sebepti daıyndyq jumystaryn erte bastap kettik", - dep atap kórsetti M.Beketaev.
Aıta keteıik, búgin mınıstr xalyq aldynda esep berdi. Mınıstr sot oryndaýshylarynyń qyzmetine qatysty zań jobasynyń Parlamenttiń qarýynda jatqanyn jetkizdi. "Atap aıtqanda, sot oryndaýshylarynyń qyzmetine sanktsııa salýdy qysqartý týraly usynys bar. Bylaısha aıtqanda, atalǵan ınstıtýtty damytý sharalary jalǵasa beredi. Sot oryndaýshylaryn jaýapkershilikke tartý tetikteri de qalady. Biraq ókilettilikterdiń biraz bóligi sottan sot oryndaýshylaryna beriledi", - deıdi M.Beketaev.
Budan bólek, Bas zańger páter satyp alamyn deýshilerge keńes berdi. Mınıstrdiń aıtýynsha, shetelge shyǵýǵa qoıylǵan shekteýdi alyp tastaýdyń naqty merzimi bekitildi.