Túrkistan oblysynyń turǵyndaryna áleýmettik paketter taratylýda
Bul áleýmettik toptama tek ataýly áleýmettik kómek alatyn otbasylardaǵy 1 jastan 6 jastaǵy balalarǵa jáne 6 jastan 18 jasqa deıingi mektep jasyndaǵy balalarǵa arnalǵan. Keles aýdanynyń aýyl jáne aýyldyq okrýgterinen aǵymdaǵy jyldyń 1 toqsanynda memlekettik ataýly áleýmettik kómekke ótinish bergen 3922 otbasydan ótinish túsken. Bul januıalardyń 1 jastan 6 jasqa deıingi 6617 balasyna kepildendirilgen áleýmettik toptamasy men hımııalyq taýarlar paketi berilip jatyr. Sondaı-aq, 6-18 jas aralyǵyndaǵy 6 myńnan asa bala ystyq tamaqpen qamtylatyn bolady. Qazirgi ýaqytta Ushqyn, Alpamys, Jambyl, Bozaı jáne Birlesý aýyldyq okrýgterine taratylýda. Sondaı-aq, ózge aýyldyq okrýgterdiń barlyǵyna da jetkizilmek.
Aıta keteıik, Memleket basshysy Qasym-Jomart Toqaev óz Joldaýynda ashyqtyqty, ádilettikti jáne eńbekke yntalandyrýdy qamtamasyz ete otyryp, ataýly áleýmettik kómek taǵaıyndaý tetigin túzetýdi tapsyrǵan bolatyn. Osyǵan baılanysty Úkimet 2020 jyldan bastap áleýmettik kómek kórsetýdiń jańa mehanızmderin engizgen. Kepildendirilgen áleýmettik paketter balanyń jasyna baılanysty beriledi. 6 jastan 18 jasqa deıingi balalar úshin ystyq tamaq, mektep kıimderi men oqý quraldaryn satyp alý, jol júrý shyǵyndaryn óteý, sondaı-aq tegin medıtsınalyq qyzmet kórsetý qarastyrylǵan.