Túrkistan oblysynyń Tóle bı aýdany bıyl tolyq gazben qamtylady
08:42, 07 Qarasha 2020
TÚRKІSTAN. QazAqparat - Qazirgi tańda Tólebı aýdanyndaǵy 55 eldi mekenniń 48-i tolyq tabıǵı gazben qamtylǵan, dep habarlaıdy QazAqparat Túrkistan oblysynyń Óńirlik kommýnıkatsııalar qyzmetine silteme jasap.
Qalǵan jeti eldi meken: Dıhankól, Uzynaryq, Alshaly, Qasqasý, Joǵary Qasqasý, Keregetas, Kenesaryqqa kógildir otyn kiredi. Sondaı-aq, Dostyq eldi mekeni Astana kóshesiniń, Kıelitas eldi mekeniniń Qaraýyltóbe jáne Qorǵan kóshesiniń, Qaraqııa eldi mekeni Qaraqııa kóshesiniń turǵyndary jýyq arada tabıǵı gazdyń ıgiligin kórmek.
Qazirgi tańda qurylys jumystaryn jasaýǵa oblystyq bıýdjetten qarjy bólinip, merdiger mekemeni anyqtaý jumystary júrgizilýde.
Bıyl gaz qubyryn tartý jumystary bastalady. Nátıjesinde aýdan turǵyndary tolyǵymen 100% kógildir otynmen qamtylatyn bolady.