Túrkistan oblysynyń sharýalary buryshtyń jańa túrin ósire bastady
Túrkistan oblysyndaǵy Keles aýdanynyń turǵyny Nurjan Ýmarov alǵash ret jartylaı aşy jáne tátti buryshtyń býdandasqan túrin kóshet kúıinde óndirip, odan ónim alýdy qolǵa aldy. Ol bul ónimniń ataýyn «Keles» dep ataǵan. Jıyrma jyldan beri aýyl sharýashylyǵy salasynda eńbek etip júrgen kásipkerdiń aıtýynsha, jańa kóshettiń túri óńirimizdiń klımatyna beıimdiligi tekserilip, tájirıbeden ótkizilgen.
«Menshigimde 8 gektar aýmaqta ornalasqan jylyjaıym bar. Onyń 2 gektaryna kóshet ósirip júrmin. Búginde jylyjaıda 40 adam eńbek etýde. Sonymen qatar qııar, qyzanaq, asqabaq sekildi ónimderdiń tuqymdaryn býdandastyryp, ónimniń jańa túrin shyǵarýǵa basymdyq berip kelemiz», – deıdi jeke kásipker.
Munan bólek, onda qarbyz, qulpynaı, qyryqqabat, qııar, qyzanaq kóshetteri daıyndalýda. Bul ónimderge qyzyǵýshylyq tanytatyn sharýalar da kóp. Ásirese, kórshiles Saryaǵash jáne Maqtaaral, Qazyǵurt, Shardara aýdandarynyń turǵyndary jıi tapsyrys berip otyrady.