Túrkistan oblysynyń prokýrory Marat Álıhanov jumys ornynda qaıtys boldy

ASTANA. QazAqparat – Túrkistan oblysynyń prokýrory Marat Álıhanov ómirden ozdy, dep habarlaıdy QazAqparat tilshisi.

Bul aqparatty Bas prokýratýranyń baspasóz qyzmeti QazAqparat tilshisine rastady.

Marat Tileýqabyluly 2020 jyldyń aqpanynda Bas prokýrordyń buıryǵymen Túrkistan oblysynyń prokýrory bolyp taǵaıyndalǵan edi.

Marat Álıhanov burynǵy Tselınograd oblysynyń Esil qalasynda 1965 jyly týǵan.

Evneı Bóketov atyndaǵy Qaraǵandy memlekettik ýnıversıtetin «quqyqtaný» mamandyǵy boıynsha bitirgen.

Eńbek jolyn 1989 jyly Aqtóbe oblysynyń Aqtóbe qalalyq prokýratýrasynda taǵylymdamashy-tergeýshi qyzmetinen bastaǵan.

Aqsý aýdanynyń soty, Pavlodar oblysynyń Ekibastuz aýdany, Aqsý qalasy men Pavlodar aýdanynyń prokýrory qyzmetterin atqarǵan.

Bas prokýratýranyń basqarma men Quqyqtyq statıstıka jáne arnaıy esepke alý jónindegi komıtetinde jáne Aqmola oblysynda quqyq qorǵaý organdarynyń basshylyq quramynda qyzmet etti.

Bas kólik prokýrory Pavlodar oblysy prokýrorynyń birinshi orynbasary boldy.