Túrkistan oblysynyń polıtseıleri qyzmet babynda qaza tapqan áriptesterin eske aldy

TÚRKІSTAN. QazAqparat - Túrkistan oblysynyń polıtseıleri qyzmet babynda qaıtys bolǵan áriptesterin eske aldy, dep habarlaıdy QazAqparat tilshisi.

Túrkistan oblysy Polıtsııa departamentiniń qyzmetkerleri el tynyshtyǵy jolynda qurban bolǵan áriptesterin bir mınýt únsizdikpen eske alyp, gúl shoqtaryn qoıý rásimin ótkizdi.
«Elimizde oryn alǵan terrorlyq shabýyl, aramyzdan talaı asyldarymyzdy julyp áketti. Búginde qara jamylyp otyrǵan azamattardyń qaıǵysyna ortaqtasyp, kóńil aıtamyz. Qylmysqa qarsy kúreste únemi aldyńǵy qatarda júrgen, óz ómirin jıi qaýip-qaterge tigetin polıtseılerdiń quqyqtyq tártipti qamtamasyz etýge qosqan úlesi ólsheýsiz. Qyzmettik boryshyn atqarý barysynda qaza tapqan áriptesterimizdi eske alý jáne qurmetteý – bizdiń mindetimiz», – dedi Túrkistan oblysy polıtsııa departamenti bastyǵynyń orynbasary Baǵlan Halyqov.
Aıta keteıik, Túrkistan oblysynda turǵyndardyń qaýipsizdigin qamtamasyz etý maqsatynda 47 blok beket ornatyldy. Onyń ishinde 45-i qala, aýdandardaǵy joldarǵa, ekeýi respýblıkalyq mańyzy bar joldarǵa qoıylǵan. Tártip saqshylary kúsheıtilgen rejımde qyzmet atqarýda.
Qazirgi kezde óńirdegi jaǵdaı qalypty.