Túrkistan oblysynyń MÁMS mamandary eki aýdanda túsindirý jumystaryn júrgizdi
Oblystyq Qoǵamdyq densaýlyq basqarmasynyń basshysy Muqan Egizbaev pen «Áleýmettik medıtsınalyq saqtandyrý qory» KEAQ Túrkistan oblysy boıynsha fılıalynyń dırektory Ashat Beısenbaev bastaǵan top medıtsınalyq saqtandyrý júıesi men tegin medıtsınalyq kómek týraly aıtyp ótti.
Jıynda Muqan Egizbaev atalǵan júıe júzege asqan soń, medıtsınalyq qyzmetterdiń sapasy aıtarlyqtaı jaqsaratynyn jetkizdi. ıAǵnı, medıtsınalyq mekemelerdiń arasynda básekelestik artyp, ár adam ózine unaǵan dárigerdi nemese emhanany tańdaý múmkindigine ıe bolady. Baǵasy qymbat bolyp keletin otalar men sırek kezdesetin medıtsınalyq qyzmet túrleri, salalyq mamandardyń qabyldaýy syndy medıtsınalyq qyzmetterdi saqtandyrylǵan azamattar ǵana paıdalana alady.
«MÁMS paketine tabysy ortasha azamattardyń qaltasy kótere bermeıtin: MRT, kompıýterlik tomografııa, PTR (polımerazdyq-tizbekti reaktsııa)-analız syndy qyzmetter de engizildi. Sondaı-aq, kepildendirilgen tegin kómek paketine enbegen syrqattarǵa shaldyqqan jaǵdaıda statsıonardy almastyratyn kómek pen josparly statsıonarlyq kómekter osy paket sheńberinde kórsetiledi.
Aıta keterligi, elimizdegi kenjelep qalǵan medıtsınalyq ońaltý, qalpyna keltirý kómekteri joǵary tarıftermen keń aýqymda kórsetiledi», - dedi oblystyq Qoǵamdyq densaýlyq basqarmasynyń basshysy.
Sala basshylary 2020 jyldyń 1 qańtarynan bastap barlyq qyzmetkerler áleýmettik medıtsınalyq saqtandyrýdyń tolyqqandy qatysýshylary bola otyryp, sapaly jáne qoljetimdi medıtsınalyq kómekpen qamtamasyz etiletinin aıtady.
«Jumysqa resmı túrde ornalaspaǵan, jeke kásipker retinde tirkelmegen, azamattyq-quqyqtyq sıpattaǵy kelisimshart boıynsha qyzmet kórsetpeıtin azamattar derbes tólem jasaýshylar sanatyna jatady. Sondyqtan MÁMS júıesine qatysý úshin olar biryńǵaı jıyntyq tólem (BJT) jasaýy qajet», – dedi Ashat Beısenbaev.