Túrkistan oblysynyń Qazyǵurt aýdanynda kásipker 10 otbasyǵa baspana syılady

TÚRKІSTAN. QazAqparat - Túrkistan oblysynyń Qazyǵurt aýdanynda «Qazaqstannyń 100 jańa esimi» baıqaýynyń jeńimpazy, kásipker Syrym Ertaev turmysy tómen 10 otbasyǵa baspana syılady, dep habarlaıdy QazAqparat oblys ákiminiń baspasóz qyzmetine silteme jasap.

Baspasóz qyzmetiniń málimetinshe, Tuńǵysh Prezıdent - Elbasy N.Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasynyń «Jomart júrek» bazalyq jobasy aıasynda aýdandaǵy kásipkerler men demeýshiler tarapynan az qamtamasyz etilgen, kópbalaly jáne múmkindigi shekteýli otbasylarǵa, soǵys ardagerlerine, jalǵyzilikti qarttarǵa kóptegen kómekter berilip keledi.

«Qazaqstannyń 100 jańa esimi» baıqaýynyń jeńimpazy, Qazyǵurt aýdanynyń Qurmetti azamaty, kásipker - Syrym Ertaev óz esebinen 2017-2018 jyldary turmysy tómen Altyntóbe aýyl okrýginen 2 otbasyǵa, Qarabaý aýyl okrýginen 3 januıaǵa, Jańabazar aýyl okrýginen 2, jalpy 7 otbasyǵa úı salyp berdi. Bıyl da ol qaıyrymdy isin jalǵastyra otyryp jýyq arada Jigergen aýyl okrýginen 1, Qazyǵurt aýyl okrýginen 2, jalpy 3 januıaǵa baspana tartý etpek», delingen habarlamada.

Sonymen qatar, kásipker Ramazan aıynda aýdandaǵy áleýmettik jaǵynan az qamtylǵan 500 otbasyǵa azyq-túlik úlestirip, 5 mln teńge kóleminde kómek kórsetken.