Túrkistan oblysynyń birneshe aýdanynda mektep túlekteri jol erejesin buzyp, kortej jasady

TÚRKІSTAN. QazAqparat - Túrkistan oblysynda mektep túlekterin mingizip, kortej jasaǵan 5 júrgizýshi jazalandy, dep habarlaıdy QazAqparat tilshisi.

Áleýmettik jelide mektep túlekteriniń kólikpen kortej jasap júrgen vıdeosy taraǵan bolatyn.

Arnaıy monıtorıng jumystaryn júrgizgen túrkistandyq tártip saqshylary júrgizýshilerdiń jeke basyn anyqtap, ákimshilik jaýapkershilikke tartty.

Atap aıtsaq, «BMW» jáne «VAZ» avtokólikteriniń júrgizýshilerine qatysty QR ÁQBtK 593-baby 1-bóligi jáne 606-baby 1-bóligimen ákimshilik hattama toltyryldy.

Quqyq buzýshylardyń kólikteri aıypturaqqa qoıyldy.

Mektep bitirýshi túlekterdiń Túrkistanǵa kórshi aýdannan kelgeni belgili boldy.

Dál osyndaı jaǵdaı Qazyǵurt jáne Saryaǵash aýdandarynda da boldy.

Aýdandyq polıtsııa bólimi qyzmetkerleri áleýmettik jelide taraǵan kortejdiń vıdeosyna taldaý júrgizip, jol erejesin buzýshylardy anyqtady.

«Polıtseıler «Hery Tiggo 7», «Lada 21705» jáne «Lada 2115» kólikteriniń júrgizýshilerin QR ÁQBtK 590-baby 5-bóligi jáne 9-bóligi, 230-baby 2-bóligi, 595-baby 1-bóligi, 593-baby 1-bóligi boıynsha jaýapqa tartty. Kólikter aıypturaqqa qoıyldy. Sondaı-aq, quqyq buzýshylar men jasóspirimderge profılaktıkalyq túsindirme jumysy júrgizildi» delingen Túrkistan oblysy polıtsııa departamentiniń baspasóz qyzmeti taratqan habarlamada.