Túrkistan oblysynyń 45 turǵyny soltústik óńirlerimen tanysý úshin jolǵa shyqty

TÚRKІSTAN. QazAqparat - Túrkistan oblysy Saıram aýdanynan Soltústik óńirge qonys aýdarýǵa nıet bildirgen 45 otbasy (Saryaǵash, Saıram, Báıdibek aýdandary) músheleri Pavlodar men Soltústik Qazaqstan oblystarynyń tynys-tirshiligimen tanysý maqsatynda jolǵa shyqty. Olar eki oblystaǵy jaǵdaıdy jan-jaqty kórip, unaǵan jaǵdaıda soltústikke kóshpek, dep habarlaıdy QazAqparat tilshisi.

«Nur Otan» partııasy Túrkistan oblystyq fılıaly tóraǵasynyń birinshi orynbasary Beısenbaı Tájibaev turǵyndardy shyǵaryp salý barysynda soltústik óńirlerge ońtústik halqynyń qonys aýdarýynyń strategııalyq mańyzdylyǵyn atap ótip, memleket tarapynan kórsetiletin qoldaýlardy jetkizdi.

Qonys aýdarǵan jaǵdaıda azamattarǵa jasalatyn qoldaýlardy (baspana, jumys orny, jer) kózben kórip, túsindirý jumystaryn júrgizýge belsendilik tanytýǵa shaqyrdy.

Aıta keteıik, soltústik oblystarǵa kósh-qon baǵdarlamasy bastalǵan 5 jyldyń ishinde 20 myńdaı adam kóship barǵan. Onyń 6 myńy – Túrkistan oblysynyń turǵyndary. ıAǵnı 1700 otbasy qonys aýdarǵan.

ıAǵnı, «Nur Otan» partııasynyń Túrkistan oblystyq fılıaly men jumyspen qamtýdy úılestirý jáne áleýmettik baǵdarlamalar basqarmasy jáne jergilikti ákimdikter arqyly jumys kúshi tapshy óńirlerdi jumys kúshimen qamtamasyz etý sharalary júzege asyrylýda. Osy baǵytta «Eńbek» baǵdarlamasynyń uıymdastyrý, nasıhat jumystary jandanyp otyr.