Túrkistan oblysynyń 367 aýylyna sý tartylady
Úkimet otyrysynda Indýstrııa jáne ınfraqurylymdyq damý mınıstri osyndaı málimet Beıbit Atamqulov aıtty.
«Túrkistan oblysynyń qalalyq eldi mekenderinde sýmen jabdyqtaý qyzmetterine 98,9% qoljetimdilik bar. Aýyldyq eldi mekenderde qoljetimdilik 92,1% - dy quraıdy. 2021-2025 jyldary 367 aýyldyq eldi mekende sýmen jabdyqtaý júıelerin salý jáne rekonstrýktsııalaý josparlanýda. Sondaı-aq, 49 aýyldyq eldi mekende jergilikti bıýdjet qarajaty esebinen sý tazartýdyń keshendi blok-modýlderi ornatylady», - dedi vedomstvo basshysy.
Óńirdi damytýdyń keshendi jospary boıynsha 2025 jyly oblys halqynyń 100%-y sapaly sýmen qamtamasyz etýli kerek.
«2021 jylǵa arnalǵan keshendi jospar sheńberinde Túrkistan oblysynda sýmen jabdyqtaý jáne sý burý boıynsha 58 jobany iske asyrýǵa respýblıkalyq bıýdjetten 14,1 mlrd teńge somasynda qarajat bólý qoldaý tapty. Bólingen qarajat esebinen 743 km sýmen jabdyqtaý jáne sý burý jelilerin salý jáne rekonstrýktsııalaý josparlanady. Sondaı-aq, 19,5 myń adam sýmen jabdyqtaý qyzmetterimen qosymsha qamtamasyz etiletin bolady. Jalpy osy baǵyttar boıynsha 638 jumys orny qurylady», - dedi Beıbit Atamqulov.