Túrkistan oblysyndaǵy sý tasqyny: Mınıstrlik sońǵy málimetterdi jarııalady

ASTANA. QazAqparat – Tótenshe jaǵdaılar mınıstrligi Túrkistan oblysyndaǵy sý tasqynyna qatysty sońǵy málimetpen bólisti, dep habarlaıdy QazAqparat tilshisi.

«Qazir respýblıkanyń ońtústik óńirlerinde, onyń ishinde Túrkistan oblysynda sý tasqyny jaǵdaıy kúrdelene tústi. 1-2 aqpanda qatty jaýyn-shashyn men temperatýranyń 7-8 gradýsqa deıin kóterilýi nátıjesinde atalǵan oblystyń 4 aýdanyn taýdan erigen qar sýlary shaıa bastady. Atap aıtqanda, Saýran, Ordabasy, Sozaq jáne Báıdibek aýdanynyń aýmaǵy. Sondaı-aq Arys jáne Kentaý qalalary da bar. Saldarynan 21 eldi meken jáne 234 aýla aýmaǵy sý astynda qaldy», - dedi TJM birinshi vıtse-mınıstri Ibragım Kúlshimbaev OKQ-de ótken brıfıngide.

Vıtse-mınıstr málimdegendeı, jedel sharalardyń arqasynda zardap shekkender men qurban bolǵandar joq.

«Arys qalasynda bir ǵana turǵyn úı sý astynda qaldy. Túrkistan, Qyzylorda, Jambyl oblystary men Shymkent qalasynyń TJD barlyq bólimsheleri daıyndyq ústinde. Qazgıdromet boljamyna sáıkes, sý shaıý burý úshin jedel sharalar qabyldandy. ıAǵnı 13 myńǵa jýyq qapshyq tóseldi, jeke quramnyń 400-den astam adamy jáne 71 birlik tehnıka jumyldyryldy. Sonymen qatar Shymkent garnızonynyń jedel quraldary tartyldy. Jaǵdaı turaqtaldy», - dep sendirdi I. Kúlshimbaev.

Aıta ketsek, atalǵan óńirdegi jaǵdaıǵa qatysty mınıstr ıÝrıı Ilın túsinik bergen edi.

Foto: t.me/qr_tjm