Túrkistan oblysyndaǵy shekara basqarmalarynda 97 ólsheý quraly tekserilmeı qoldanylǵan

ASTANA. QazAqparat - Ulttyq qaýipsizdik komıteti Shekara qyzmetinde «Ólshem birligin qamtamasyz etý týraly» zańnyń saqtalmaǵany anyqtaldy, dep habarlaıdy QazAqparat Saýda jáne ıntegratsııa mınıstrliginiń baspasóz qyzmetine silteme jasap.

Baspasóz qyzmetiniń málimetterine qaraǵanda, QR SIM Tehnıkalyq retteý jáne metrologııa komıtetiniń Túrkistan oblysy boıynsha departamenti «Ólshem birligin qamtamasyz etý týraly» QR Zańynyń talaptaryn saqtaý boıynsha Ulttyq qaýipsizdik komıteti Shekara qyzmeti departamentiniń Saryaǵash jáne Maqtaaral aýdandary boıynsha Shekara basqarmalarynda áskerı prokýratýramen birlesken tekserý júrgizdi.

Tekserý barysynda medıtsınalyq bólimde qoldanylatyn ólsheý quraldarynyń 97 birligi metrologııalyq tekserý júrgizbeı paıdalanylǵany anyqtaldy. Olar qan qysymyn baqylaýǵa arnalǵan apparattar, áskerı qyzmetshilerdiń dene temperatýrasyn jáne qorshaǵan ortany ólsheýge arnalǵan termometrler, janar-jaǵarmaı materıaldaryn jiberýge arnalǵan otyn-taratý baǵanalary, suıyqtyqtyń qysymy men temperatýrasyn ólsheý kezinde manometrler men termometrler jáne t.b.

«Quqyq buzýshylyq úshin jaýapkershilik áskerı prokýratýranyń usynymyn alǵannan keıin qaralatyn bolady»,-delingen habarlamada.