Túrkistan oblysyndaǵy sharýa qojalyǵyndaǵy órt bolǵan jerden qoıshynyń denesi tabyldy
13:15, 31 Qańtar 2022
NUR-SULTAN. QazAqparat - 2022 jyldyń 31 qańtarynda saǵat 7.15-te 101 pýltine Báıdibek aýdanynyń Alǵabas aýylynan 5 shaqyrym jerde sharýa qojalyǵynyń aýmaǵynda eki qabatty ǵımarat órtengeni týraly habarlama tústi.
Ǵımarattyń birinshi qabatynda qara mal, al ekinshi qabatynda shóp turǵan bolatyn. Sharýa qojalyǵy men jaqyn jerdegi órt sóndirý bólimi arasyndaǵy qashyqtyq 40 shaqyrymdy quraıdy. Órt sóndirýshiler oqıǵa ornyna 40 mınýtta jetken. Bul týraly QR TJM resmı ókili Talǵat Ýálı habarlady.
Órt saldarynan 1 150 bas qoı qyrylyp, 150 tonna shóp janyp ketti. Oqıǵa ornynan qoıshynyń denesi tabyldy.
Órt saǵat 9.37-de oqshaýlanyp, saǵat 10.23-te sóndirildi. Kólemi anyqtalýda.
Órtti sóndirýge Túrkistan oblysy TJ departamentiniń 15 órt sóndirýshisi men 4 birlik tehnıkasy jumyldyryldy.
«TJM azamattarǵa órt qaýipsizdik qaǵıdalaryn saqtaýǵa keńes beredi»,-delingen habarlamada.