Túrkistan oblysyndaǵy perzenthanalarda daýys berý aıaqtaldy

TÚRKІSTAN. QazAqparat - Túrkistan oblysyndaǵy perzenthanalarda daýys berý aıaqtaldy. Jańadan bosanǵan analar saılaýda belsendilik tanytty, dep habarlaıdy QazAqparat tilshisi.

Óńirdegi perzenthanalarda áıelder tańǵy 7:00-den bastap daýys bere bastady. Júkti áıelder men jas analar bir kisideı óz tańdaýlaryn jasady. Túrkistan oblysyndaǵy №3 perınataldyq ortalyqta úsh júzden astam áıel óz tańdaýyn jasady. Oblystyq perınataldyq ortalyqtar men aýrýhanalarda daýys berý tańǵy saǵat 10.00-ge deıin ótti. Medıtsınalyq uıymdar rejimdik nysan ekenin eskere otyryp, daýys berý ýaqytyn keshke deıin sozylmaýy qolǵa alyndy.

Aıta keteıik, oblys boıynsha jylyna 55 myńǵa jýyq bala dúnıege keledi. Bul respýblıka boıynsha eń úlken kórsetkish sanalady. Búgin de aımaqta 200-ge jýyq náreste dúnıege keldi. Olardyń júzden astamy - qyz bala.