Túrkistan oblysyndaǵy medıtsınalyq uıymdar MÁMS júıesine daıyn
Bul týraly QR Densaýlyq saqtaý mınıstrliginiń óńirde mindetti áleýmettik medıtsınalyq saqtandyrýdyń engizilýine tekserý júrgizgen shtab músheleri málim etti. Delegatsııa quramy Túrkistan oblysyndaǵy birqatar medıtsınalyq mekemelerdi aralap, qyzmet kórsetý sapasyn tekserdi.
Mınıstrliktiń strategııa jáne halyqaralyq yntymaqtastyq departamentiniń basshysy Aınur Aıtahanova bastaǵan bir top azamattar aldymen oblystyq klınıkalyq aýrýhanada boldy. Tarıhy odan da tereńde jatqanymen, resmı túrde 1947 jyldan bastap oblystyq aýrýhana mártebesin ıemdengen emdeý mekemesi - búginde oblys turǵyndaryna mamandandyrylǵan jáne joǵary mamandandyrylǵan kómek kórsetetin jetekshi medıtsınalyq ortalyq.
Shtab ókilderi mundaǵy emhananyń jumysymen, qabyldaý bólimindegi TRIAJ júıesimen, ońaltý bóliminde ınsýlttan keıin em qabyldap jatqan naýqastardyń jaı-kúıimen tanysty. Emhanasynda halyqtyń yńǵaılylyǵy úshin MÁMS-ke jarna tóleý úshin arnaıy termınaldar jumys istep tur.
Jumys toby sondaı-aq oblystyq №1 perınataldyq ortalyq pen Saryaǵash aýdandyq ortalyq aýrýhanasynda boldy. 512 tósek orynǵa eseptelgen aýdandyq aýrýhana 100 paıyz tsıfrlandyrý júıesine kóshken. Naýqastardy qabyldaý bólimindegi TRIAJ júıesi de barlyq talapqa saı. Taıaýda ǵana ashylǵan jaraqat beketi táýlik boıy qyzmet kórsetedi. Zamanaýı úlgidegi kompıýterlik –tomografııa da aýyl turǵyndaryna dıagnostıka turǵysynda úlken kómegin tıgizip keledi.
MÁMS júıesine saqadaı-saı daıyndyǵy onymen qosa arnaıy aqparattandyrý buryshynda qyzmet kórsetip otyrǵan qyzmetkerleriniń barlyq suraqtar boıynsha keńes berip, kómek berýimen dáleldendi. Jumysshy top quramy munan keıin Tólebı aýdandyq aýrýhana men MÁMS qorymen kelisim shartqa otyrǵan jeke menshik medıtsınalyq uıymdardyń da jumystarymen tanysty.
Jalpy, elimizde 1 qańtardan bastap tegin medıtsınalyq kómektiń kepildik berilgen kólemi men mindetti áleýmettik medıtsınalyq saqtandyrý paketiniń jańa júıesi tolyqtaı kúshine endi. Jarna somasy ártúrli bolýy múmkin, alaıda árbir saqtandyrylǵan azamat ózi múddeli medıtsınalyq kómektiń kólemin alady.
Sonymen birge, árbir adamǵa, onyń saqtandyrylǵan mártebesine qaramastan, tegin medıtsınalyq qyzmetterdiń kepildik berilgen kólemi sheginde jedel jáne alǵashqy medıtsınalyq-sanıtarlyq kómekke qoljetimdiligi saqtalady.
MÁMS júıesi sheńberinde halyqty medıtsınalyq kómekpen qamtý deńgeıi jalpy el boıynsha 95%-dan asady dep boljanýda (MÁMS júıesin engizý úshin usynylǵan shekti deńgeı - keminde 80%). Túrkistan oblysy boıynsha bul qamtý - 91,6%. Oblys halqynyń 8,4% nemese 66652 adam «shartty túrde saqtandyrylmaǵan» bolyp esepteledi, olar boıynsha mártebeni ózektendirý jumystar jalǵasýda.
Oblys boıynsha 114 densaýlyq saqtaý mekemesi tirkelgen. Túrkistan oblysynyń «MSQ» KEAQ fılıaly 2019 jylǵa 73 ónim berýshimen shart jasady, onyń ishinde memlekettik - 40 (51,3%), jeke - 33 (48,7%) uıym bar.