Túrkistan oblysyndaǵy Qarnaq aýylynyń halqy asarlatyp 3000 oryndyq meshit saldy

TÚRKІSTAN. QazAqparat – Túrkistan oblysyndaǵy Qarnaq aýylynyń halqy asarlatyp meshit saldy. 3000 adamǵa arnalǵan ǵıbadat úıi Oraza aıt kúni ashylady dep josparlanyp otyr, dep habarlaıdy QazAqparat tilshisi.

Jańa meshit Kentaý qalasyna qarasty 2000 jyldan astam tarıhy bar Qarnaq aýylynyń kireberis bóliginde ornalasqan. Erekshe sáýlet úlgisinde salynǵan ǵıbadat úıi úsh qabattan turady. Onyń qazyǵy 2019 jyly qaǵylyp, úsh jyldan astam ýaqyt boıy qurylysy júrgizildi. Meshittiń boı kóterýine barlyq qazaqstandyqtar kúsh salyp, úles qosty. ıAǵnı, asarlatý ádisi qoldanyldy.

Meshittiń qurylysyna shet memlekette júrgen qazaqstandyq jomart jandardyń da úlesi bar. Yntymaq pen birliktiń aıasynda salynǵan Alla úıi sońǵy zamanaýı qurylǵylarmen jabdyqtalǵan. Munda ımam bólmesinen bólek oqý ortalyǵy, kitaphana, arnaıy jýynatyn bólmeler men kólik turaǵy bar.

Meshitke qulshylyq jasaýǵa keletin jamaǵatqa barlyq jaǵdaı jasalǵan. Búgingi tańda ishki bólikterin árleý jáne abattandyrý, sanıtarlyq tazalyq sekildi jumystar júrgizilip jatyr.