Túrkistan oblysyndaǵy daýyldy jel: Jaryq óship, mektepter onlaınǵa kóshti

TÚRKІSTAN. QazAqparat - Túrkistan oblysynda qatty jelden úılerdiń shatyry ushyp, sabaqtar onlaın formatqa aýystyrylyp jatyr, dep habarlaıdy QazAqparat tilshisi.

Túrkistan oblysynda apta bastalǵaly jel toqtamaı tur. Búgin jeldiń jyldamdyǵy kúsheıe tústi. Saldarynan úılerdiń shatyry ushyp, oqýshylar qashyqtan bilim alýǵa kóshirilip jatyr.

Túrkistan oblysy Tótenshe jaǵdaılar departamentiniń málimetinshe, óńirdegi 4 aýdanda 14 612 abonent jaryqsyz otyr. Onyń ishinde Kentaý qalasynda - 1420, Báıdibek aýdanynda - 9061, Saıramda - 200, Saýranda - 3931 abonent bar. Qazirgi kezde «Ońtústik Jaryq Tranzıt» JShS mamandary jóndeý-qalpyna keltirý jumystaryn júrgizip jatyr.Qatty jeldiń áserinen Kentaý qalasynda mektep pen «Qazaqtelekom» mekemesiniń shatyry ushyp ketken. Bastaýysh synyptar onlaın rejımge kóshti.