Túrkistan oblysynda júk poıyzy relsten shyǵyp ketti
13:53, 09 Qańtar 2023
ASTANA. QazAqparat – Túrkistan oblysy Mankent stansasynda júk tasymaldaýshy poıyz joldan shyǵyp ketti, dep habarlaıdy QazAqparat tilshisi «Qazaqstan temir joly» ulttyq kompanııasynyń baspasóz qyzmetine silteme jasap.
«8 qańtar saǵat 19:50-de «Shymkent-Arys» ýchaskesiniń Mankent stansasynda júk poıyzy vagondary relsten shyǵyp ketti. Qaza tapqandar men zardap shekkender joq. Sonymen qatar atalǵan oqys oqıǵa basqa poıyzdardyń qozǵalysyna áser etpedi», - delingen habarlamada.
Sondaı-aq, ulttyq kompanııa keleńsizdikti joıý úshin Shymkent, Arys stansasynan qosymsha poıyzdar jóneltilgenin habarlady.
Oqıǵanyń sebep-saldaryn «Qazaqstan temir joly» AQ janynan arnaıy qurylǵan komıssııa anyqtaıdy.