Túrkistan oblysynda jol salýshylar arasynda jemqorlyq faktileri ósken
21:05, 18 Tamyz 2022
TÚRKІSTAN. QazAqparat - Túrkistan oblysyndaǵy jol salasynda sybaılas jemqorlyq faktileri ósken. Bul týraly QR Sybaılas jemqorlyqqa qarsy is-qımyl agenttiginiń Túrkistan oblysy boıynsha departament basshysynyń birinshi orynbasary Nurdáýlet Sámet Túrkistan óńirlik kommýnıkatsııalar qyzmetinde ótken brıfıngte aıtty, dep habarlaıdy QazAqparat tilshisi.
Nurdáýlet Sámet aıtýynsha, 2021 jyly antıkor óndirisinde 18 sotqa deıingi tergeý bolsa, bıylǵy jyldyń birinshi jartyjyldyǵynda 15 jemqorlyq qylmysy tirkelgen. Olardyń kópshiligi jymqyrý, bılikti teris paıdalaný, paraqorlyq jáne qyzmettik jalǵandyqpen baılanysty.
«Avtojol problemalarynyń ózektiligin eskere otyryp, Agenttik «Ádildik joly» respýblıkalyq qoǵamdyq birlestigimen birlesip barlyq óńirlerde qoǵamdyq monıtorıngti bastalǵaly otyr. «Ádildikti talap et!» uranymen ótetin respýblıkalyq aktsııanyń negizgi maqsaty – avtomobıl joldaryn salý, jóndeý jáne kútip ustaý salasyndaǵy júıeli quqyq buzýshylyqtardy joıý. Bul baǵytta mańyzdy sheshimder qabyldanatyn bolady» - dedi Sámet Nurdáýlet.