Túrkistan oblysynda jol apatynan 4 adam qaza boldy
Oqıǵa búgin, túngi saǵat 02:00 shamasynda bolǵan. Ordabasy aýdany aýmaǵynan ótetin «Shymkent-Badam-Arys» tasjolynyń Saryaryq aýyly tusynda «Lada Priora» men «VAZ-21099» kólikteri betpe-bet soqtyǵysqan.
Jol-kólik oqıǵasynyń saldarynan «Lada Priora» avtokóliginiń júrgizýshisi men 3 jolaýshysy túrli dene jaraqatymen aýrýhanaǵa jetkizilgen. Alaıda, jolaýshynyń biri aýrýhanada kóz jumdy. Budan bólek, «VAZ-21099» kóliginiń júrgizýshisi men 2 jolaýshysy oqıǵa ornynda kóz jumǵan.
«Búgingi tańda atalǵan jaıt QR QK-niń 345-baby 4-bóligimen tirkelip, sotqa deıingi tergeý amaldary júrgizilýde. Saraptamalar taǵaıyndaldy. Oqıǵanyń basqa da mán-jaıy tergeý barysynda anyqtalady», - delingen Túrkistan oblysy Polıtsııa departamentiniń baspasóz qyzmeti taratqan habarlamada.