Túrkistan oblysynda jol apatynan 3 adam qaza tapty
Túrkistan oblysy Otyrar aýdanynyń Tórtkól-Sháýildir-Túrkistan-Kentaý tasjolynda Nexia markaly avtomobıl men júk avtokóligi soqtyǵysqany anyqtaldy. Apat saldarynan Nexia júrgizýshisi men onyń eki jolaýshysy oqıǵa ornynda qaza tapty. Sonymen qatar osy avtokóliktiń bir jolaýshysy dene jaraqattarymen aýrýhanaǵa jetkizildi.
Bul jaıt QR QK-niń 345-shi «Kólik quraldaryn basqaratyn adamdardyń jol júrý nemese kólik quraldaryn paıdalaný erejelerin buzýy» baby boıynsha tirkeldi. Saraptama taǵaıyndaldy, oqıǵanyń barlyq mán-jaıy anyqtalyp jatyr.
«Tártip saqshylary júrgizýshiler men oblys turǵyndaryn jol qozǵalysy erejeleri saqtaýǵa, jyldamdyqty asyrmaýǵa jáne óz ómiri men jolaýshylardyń ómirin saqtap qalý úshin qaýipsizdik sharalaryn qatań qoldanýǵa shaqyrady»,-delingen habarlamada.