Túrkistan oblysynda jobalyq smetalyq qujattary daıyn 51 mektepti kúrdeli jóndeý keshigip jatyr

ASTANA. QazAqparat - Májilis depýtaty Temir Qyryqbaev Túrkistan oblysyndaǵy kúrdeli jóndeýden ótetin mektepter boıynsha Premer-mınıstrdiń orynbasaryna depýtattyq saýal joldaǵan bolatyn.

Túrkistan oblysyndaǵy jobalyq smetalyq qujattary daıyn 51 mektepti kúrdeli jóndeýden ótkizý jáne 70 mektepke jobalyq smetalyq qujattar daıyndaý úshin respýblıkalyq bıýdjetten qarjy qarastyrý ózekti ekenin aıtty.

– Nysanaly damý transfertterin qaraý jáne irikteý qaǵıdalaryna sáıkes, aýyldarda jáne qalalarda 3 jáne odan da kóp aýysymdy oqytý jáne oqýshylar oryndarynyń tapshylyǵy problemasyn sheshetin apatty jaı-kúıde turǵan, buzýǵa jatatyn mektepterdiń ornyna qýattylyǵy 300 jáne odan da kóp, al respýblıkalyq mańyzy bar qalalarǵa jáne astanaǵa irgeles eldi mekenderde qýattylyǵy 300-den tómen jalpy bilim berý mektepterin salýǵa, rekonstrýktsııalaýǵa, keńeıtýge jáne jańǵyrtýǵa arnalǵan shyǵystar respýblıkalyq bıýdjetten qarjylandyrylady.

Nátıjesinde Túrkistan oblysynyń mektepterine jobalyq-smetalyq qujattamany ázirleý jáne kúrdeli jóndeý júrgizý jergilikti bıýdjet esebinen júzege asyrylatyn bolady, – dep jaýap berdi T.Dúısenova.

Sondaı-aq vıtse-premer Túrkistan oblysynyń ákimdigi 121 mektepke kúrdeli jóndeý júrgizý máselelerin jergilikti bıýdjettiń múmkindikterin eskere otyryp, kezeń-kezeńimen sheshetinin habarlady.