Túrkistan oblysynda jeti eldi mekenge aýyzsý qubyry tartyldy
«Memleket basshysyna sý qubyry buryn-sońdy bolmaǵan jeti eldi mekenniń aýyzsýmen qamtamasyz etilgeni jóninde málimet berildi. Bıyl 25 eldi mekenge aýyzsý qubyryn tartyp, tozyǵy jetken sýmen qamtamasyz etý jelisin jańartý josparlanyp otyr. Sondaı-aq 56 eldi meken tabıǵı gaz qubyryna qosylyp, 47 eldi mekenniń elektr jelileri jańartylady.
Oblys ákimi ótken jyly 54 mekteptiń qurylysy júrgizilip, onyń 21-i paıdalanýǵa berilgenin jetkizdi. Bıyl taǵy 20 mekteptiń qurylysyn aıaqtaý josparlanyp otyr. «Jaıly mektep» ulttyq jobasy aıasynda óńirde 63 bilim mekemesiniń qurylysy maquldandy. Budan bólek, bıyl aýyldyq jerlerde 49 medıtsına nysany salynady» delingen ákim baıandamasynda.
Ákimniń aıtýynsha, byltyr jalpy óńirlik ónim kólemi 3 trıllıon teńgeni quraǵan, al aýyl sharýashylyǵyndaǵy ónim kólemi alǵash ret 1 trıllıon teńgeden asqan. Bul salaǵa 75 mıllıard teńge ınvestıtsııa tartylǵan. Sonymen qatar shaǵyn jáne orta bıznes sýbektileriniń sany 184 579-ǵa jetken.
Prezıdentke Syrdarııa ózeni boıyndaǵy eldi mekenderdi sý basý qaýpiniń aldyn alý úshin júrgizilgen jumystar jóninde baıandaldy. Aldyn ala qamdanǵannyń nátıjesinde bes aýdandaǵy 43 eldi mekendi sý basý qaýpi joıylǵan. Tolassyz jaýǵan nóser jaýyn saldarynan birqatar aýdanda jekelegen úı aýlalaryn sý basyp qalǵandyqtan, 200-ge jýyq adam qaýipsiz jerge kóshirildi. Qazir jaǵdaı turaqtanyp, turǵyndar úılerine oraldy. Arnaıy komıssııa shyǵyn kólemin anyqtap jatyr.