Túrkistan oblysynda úı salyp jatqan eki adamdy belgisiz bireýler atyp ketken

ASTANA. QazAqparat - Polıtseıler Túrkistan oblysynda aýyr qylmys jasady degen kúdiktilerdi ustaý boıynsha is-sharalar júrgizýde, dep habarlaıdy QR ІІM baspasóz qyzmeti.

5 tamyzda eki belgisiz adam Arys qalasynda salynyp jatqan úıdiń aýmaǵyna kirip, belgisiz qarýdan oq atyp, qashyp ketken.
Úıdiń ıesi jáne oǵan qurylysta kómektesken tanysy alǵan jaraqattarynan qaıtys boldy. Sondaı-aq qurylysqa kómektesken eki er adam oq jaraqatyn aldy. Olar aýrýhanaǵa jetkizildi.
Qazirgi ýaqytta arnaıy jedel-tergeý toby quryldy. «Ustap alý» jospary qabyldandy. Kúdiktilerdiń jeke basyn anyqtaý men olardy ustaý boıynsha qajetti is-sharalar júrgizilýde. Bolǵan oqıǵanyń barlyq jaǵdaıy anyqtalýda.
Tergeý barysy Túrkistan oblysy polıtsııa departamenti basshylyǵynyń jiti baqylaýynda.
QR QPK-niń 201-baby 1-bóligine sáıkes sotqa deıingi tergep-tekserýdiń ózge de derekteri jarııa etilmeıdi.