TÚLKІBAS. QazAqparat - Saılaý kúni Túrkistan oblysynda dúnıege kelgen egizge Qasym jáne Jomart esimi berildi, dep habarlaıdy QazAqparat tilshisi.
Túlkibas aýdandyq ortalyq aýrýhanasynda 31 jastaǵy kelinshek egiz uldy dúnıege ákeldi.
Bilikti dárigerlerdiń qatysýymen áıelge jasalǵan jedel ota sátti shyqty.
Nárestelerdiń salmaǵy - 3500 gr jáne 2700 gr.
Saıası naýqan kúni týǵan nárestelerge ata-anasy Qasym jáne Jomart esimderin berýdi jón sanapty.
Búgin aýrýhana ujymy men aýdan ákimdigi dúnıe esigin ashqan sábıdiń anasyn quttyqtap, syı-syıapatyn tabystady.
Aıta keteıik, qazir kishkentaılardyń da, anasynyń da jaǵdaıy jaqsy.
Qaırat Zaınıshev
Shymkenttegi M.Saparbaev atyndaǵy OQGI túlegi. Eńbek jolyn «Aqıqat-Istına» gazetinde tilshi bolyp bastady. Keıinnen «Shymkent kelbeti», «Ońtústik Qazaqstan» gazeti men «Ernur.kz» saıtynda tilshi, «Kentaý shuǵylasy» gazetiniń bas redaktory qyzmetterin atqardy. Respýblıkalyq «Ekspress K» saıtynyń Túrkistan oblysyndaǵy tilshisi boldy. 2021 jyldan bastap «Kazinform» agenttiginiń Túrkistan oblysyndaǵy tilshisi qyzmetin atqarýda.