Túrkistan oblysynda trassadaǵy tórt túliktiń kesirinen 6 adam kóz jumǵan

TÚRKІSTAN. QazAqparat – Jyl basynan beri Túrkistan oblysynda trassadaǵy tórt túliktiń kesirinen 23 adam jaraqat alyp, 6 adam qaıtys boldy, dep habarlaıdy QazAqparat tilshisi.

Jalpy alty aı ishinde oblysta jol-kólik oqıǵalarynyń sany 4,7% azaıǵan.

Al, qaza bolǵandar sany 3,1% tómendese, jaraqat alǵandardyń sany 1,4 paıyzǵa ósken.

Tórt túligin qaraýsyz qaldyrǵan 3635 mal ıeleri Qazaqstan Respýblıkasy ÁQBtK-niń 408-babymen ákimshilik jaýapkershilikke tartylǵan.

«Túrkistan oblysy joldarynda jol qozǵalysyn retteý sharalary polıtseılerdiń kún tártibinen túsken emes. Kólikter men joldardy zamanaýı tehnıkalyq quraldarmen, beınebaqylaý kameralarymen jabdyqtaý jumystary jolǵa qoıyldy. Munyń ózi júgensiz júrgizýshilerdi anyqtaýda tártip saqshylaryna taptyrmas kómekshi bolýda. Sondaı-aq, «Qaýipsiz jol», «Abaılańyz, balalar!» sekildi jedel-profılaktıkalyq is-sharalar uıymdastyrylyp, jol qaýipsizdigin qamtamasyz etý jumysy jalǵasyp jatyr», - deıdi Túrkistan oblysy PD jergilikti polıtsııa qyzmeti basqarmasy bastyǵynyń orynbasary polıtsııa podpolkovnıgi Begimhan Ahmetov.