Túrkistan oblysynda tramadol satqan farmatsevt ustaldy
13:31, 04 Aqpan 2023
TÚRKІSTAN. QazAqparat - Túrkistandyq polıtseıler 300-den astam tramadol satqan dárihanashyny ustady, dep habarlaıdy QazAqparat polıtsııaǵa silteme jasap.
PD Esirtki qylmysyna qarsy is-qımyl basqarmasynyń qyzmetkerleri Shardara qalasyndaǵy dárihanalardyń birinde tramadol preparatyn zańsyz satý deregin anyqtady.
– Dárihana satýshysy ustaldy. Tekserý kezinde onyń 30 myń teńgege áseri kúshti tramadol preparatynyń 340 tabletkasyn retseptsiz satqany anyqtaldy. Bul jaıt Shardara aýdany polıtsııasynda tirkeýge alyndy, - dedi Túrkistan oblysy PD bastyǵynyń orynbasary Qurmanbek Sahov.
Atalǵan fakti boıynsha jınalǵan materıaldar Túrkistan oblysy boıynsha medıtsınalyq jáne farmatsevtıkalyq baqylaý komıtetiniń departamentine QR ÁQBtK 426-baby 1-bóligi boıynsha joldandy.
Foto: t.me/POLICE_of_KZ