Túrkistan oblysynda «Tramadol» preparatyn zańsyz saqtaýdyń 6 deregi anyqtaldy

TÚRKІSTAN. QazAqparat – Túrkistan oblysynda «Tramadol» preparatyn zańsyz saqtaýdyń 6 deregi anyqtaldy, dep habarlaıdy QazAqparat tilshisi.

Túrkistan oblysy polıtsııa departamentiniń esirtki qylmysyna qarsy is-qımyl basqarmasynyń qyzmetkerleri bir aptada «Tramadol» psıhotroptyq preparatyn zańsyz saqtaýdyń 6 deregin anyqtady. Onyń ishinde 4 jaıt Saryaǵash aýdanynda anyqtalsa, qalǵany Túrkistan qalasy men Shardara aýdanynda tirkeldi.

«Qazirgi tańda atalǵan derekter boıynsha QR QK-niń 296-babynyń 2-bóligi «Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý» boıynsha sotqa deıingi tergeý amaldary júrgizilýde. Kúdiktilerden «Tramadol» preparatynyń 30-dan astam tabletkasy tárkilendi» - delingen Túrkistan oblysy polıtsııa departamentiniń baspasóz qyzmeti taratqan aqparatta.