Túrkistan oblysynda tótenshe jaǵdaı kezinde egin egý naýqany toqtaǵan joq

TÚRKІSTAN. QazAqparat - Túrkistan oblysynda kóktemgi egis naýqany qyza tústi. Elimizdegi tótenshe jaǵdaıǵa qaramastan dıqandar egis alqaptarynda saqtyq sharalaryn ustanyp, eńbek etýde, dep habarlaıdy QazAqparat.

Aıtalyq, kúni keshe ǵana Saıram aýdany Arys aýyldyq okrýgindegi jeke kásipker Qosımbek Tájıev pen Sırojıddın Egemberdıev ekeýi birigip, tamshylatyp sýǵarý ədisimen 21 gektar jerge pııaz uryǵyn sepse, 3 gektar jerge pııaz kóshetin otyrǵyzdy.

Bul maqsatqa olar 13 mln teńge jumsapty.

«Elimizdegi tótenshe jaǵdaı sharýalarǵa qolbaılaý bolyp otyrǵan joq. Eń bastysy- saqtyq sharalaryn barynsha ustanyp, egin egip jatyrmyz. Mundaı shaqta qarap otyrýǵa bolmaıdy. Qazir naǵyz egin egý naýqany. Memleketten qajetti qoldaýlardy atap aıtsaq, arzandatylǵan janar-jaǵarmaıdy alyp otyrmyz»,-deıdi Qosımbek Tájıev.

Tegter

{