Túrkistan oblysynda tótenshe jaǵdaı kezinde 850-den astam quqyq buzýshylyq anyqtaldy

TÚRKІSTAN. QazAqparat - Túrkistan oblysynda tótenshe jaǵdaı kezinde blok beketterden ótip jatqan 14 myńnan asa kólik tekserilse, aıypturaqqa 100-den astam kólik qoıylǵan. Polıtsııa bólimshelerine 1 200-den astam adam jetkizilgen, dep habarlaıdy QazAqparat tilshisi.

Tótenshe jaǵdaı rejımin buzý boıynsha 863 jaıt anyqtalǵan. Onyń ishinde 47 turǵynǵa sottyń sheshimimen ákimshilik aıyppul salynǵan. 73 azamatqa eskertý berilip, 2 azamat ákimshilik qamaýǵa alynǵan. Bul quqyq buzýshylyq jasaǵandardyń keıbiri jeke basyn kýálandyratyn qujatsyz júrse, keıbiri komendanttyq saǵat kezinde úıinen basqa jerde bolǵany úshin jaýapqa tartylǵan.

«Olardyń kóbisi jastar. Túngi ýaqytta sebepsiz, qujatsyz júrgenderi anyqtaldy. Olardyń endi keıbiri dárihanaǵa bolmasa azyq-túlikke, bolmasa joldan keshigip kele jatqanryn aıtyp aqtalyp jatyr. Qalaı degenmen bul - zań talaby»,- deıdi Túrkistan oblystyq sotynyń alqa tóraǵasy Nurlan Bıbolov.
Oblystyq Polıtsııa departamentiniń málimetinshe, QR ÁQBtK-niń 478-babymen «Tótenshe jaǵdaı kezinde quqyqtyq tártipti buzýǵa ıtermeleıtin áreketter» 8 derek anyqtalǵan. Ákimshilik kodekstiń 488-baby boıynsha «Beıbit mıtıng týraly zańdy buzý» 8 jaıt tirkelip, 1 turǵynǵa eskertý berilgen. 6 adam qamaýǵa alynyp, 1 tulǵaǵa aıyppul salynǵan.