Túrkistan oblysynda táýligine 30 tonna sút óńdeıtin tseh ashyldy
Atalmysh tseh 1 táýlikte 30 tonnaǵa deıin sútti óńdeı alady. Qazirgi tańda kúnine 3-5 tonna aralyǵynda sútti óńdep odan irimshik, qaımaq, aıran, sııaqty 20 túrli ónim óndirýde. Kásiporyn basshysy Ǵalym Oljabaevtyń aıtýynsha, aldaǵy ýaqytta ónim kólemin arttyryp, ónim túrin 25-ke deıin jetkizý josparlanyp otyr. Qazirgi tańda sút ónimderi ishki naryqty tolyqtaı qamtyp otyr.
Ashylý saltanatyna qatysqan aýdan ákimi Jamantaı Beısenbaev qatysyp, sóz sóıledi.
«El prezıdenti Qasym-Jomart Toqaev bıylǵy Qazaqstan halqyna Joldaýynda aýyl sharýashylyǵy salasyna, onyń ishinde eńbek ónimdiligi men taýar eksporttaýǵa úlken mán berý kerek degen bolatyn. Biz qazirgi tańda osy tapsyrmalar aıasynda jumys isteý kerekpiz. Óndiris kólemin ulǵaıtyp sapaly ónim shyǵarýdy kún tártibinen túsirmeı, eksportqa shyǵý jaǵyn este shyǵarmaıyq», - dedi Jamantaı Beısenbaev.
Jıyrmaǵa tarta jergilikti turǵyndy turaqty jumyspen qamtyp otyrǵan «Medet Sút» JShS búginde óz qarjysymen ashylǵanymen, aldaǵy ýaqytta óndiristik qýattylyǵyn arttyrý úshin qosymsha qarjylandyrýdy qajet etedi. Bul maqsatta tıisti jumystar júrgizilip, atalmysh kásiporyn qarjy uıymdaryna qujattar tapsyrǵan.
Qaıta óńdeýge qajetti sútpen qamtamasyz etý maqsatynda taýarly sút fermasyn ekinshi kezeńmen 2020 jyly qurylysyn júrgizip, iske qosýdy josparlap otyr.